D'fhreastal na páistí ó rang na bPortán agus na bPiongainí ar cheardlann scríbhneoireachta 'Fighting Words' le déanaí. Ghlac na páistí páirt i dplé oscailte agus tarraingteach faoin bpróiseas scríbhneoireachta ar dtús sular thosaigh siad ag bailiú smaointí mar ghrúpa iomlán chun scéal ranga a phleanáil. Ansin, bhí sé in am dóibh a gcuid scéalta agus stílghreannáin féin a chruthú! Bhí chuile duine i mbun oibre agus bhí scéal álainn, cruthaitheach mar thoradh acu ag an deireadh. Ár míle buíochas leis an bhfoireann 'Fighting Words' a bhí i láthair chun muid a éascú. Lá thar a bheith spraíúil agus tarraingteach a bhí ann do na páistí.